iPhone 17 Pro rəngləri açıqlandı???

iPhone 17 Pro üçün yeni rənglər gəlir – narıncı əsas rəng olacaq

Yeni şayiələrə görə, iPhone 17 Pro modeli qara, tünd mavi, gümüşü və narıncı rənglərdə təqdim olunacaq. Aşağıdakı şəkil bu rənglərin necə görünəcəyini təxminən göstərir, lakin rəsmi sızma deyil – sadəcə gözləntilərə əsaslanan vizualdır.

Mənbə bildirir ki, tünd mavi rəng o qədər tünd olacaq ki, bəzi işıq şərtlərində qara kimi görünə bilər. Bu tonun iPhone 16 Pro modelindəki Blue Titanium rəngindən ilhamlandığı deyilir. Qara variant isə Black Titanium-a bənzəsə də, bu dəfə mat səth ilə gələcək.

Gümüşü rəng isə White Titanium-a ən yaxın ton kimi təqdim olunur – işıqlı və isti alt tonlara sahibdir. Ən diqqətçəkən və "qəhrəman rəng" isə narıncı olacaq. Bu ton, Apple Watch Ultra modelindəki Action düyməsindən ilham alıb və "canlı, amma balanslı" kimi təsvir olunur. Sakit tonlardan xoşu gəlməyənlər üçün ideal seçim sayılır.

Bundan əlavə, iPhone 17 Pro və Pro Max modellərinin bir neçə ildən sonra yenidən alüminium çərçivələrə keçəcəyi deyilir. Xatırladaq ki, Apple son illərdə əvvəl paslanmayan polad, daha sonra isə titan çərçivə ilə təcrübələr aparmışdı.

Bəs əvvəl sızdırılan yaşıl, bənövşəyi və “Sky Blue” rənglərə nə oldu? Şayiələrə görə, bu rənglər iPhone 17 və iPhone 17 Air modellərinə gələcək. Maraqlısı budur ki, yaxın zamanda bir yeni rəng daha sızdırılacaq – buna görə yeniliklər üçün bizi izləməyə davam edin.