Xiaomi HyperOS 3 görüntüləri sızdı

Xiaomi HyperOS 3 görüntüləri sızdı – Yeni interfeysi iPhone estetikası ilə yarışır.

Xiaomi HyperOS 3 mobil əməliyyat sisteminə aid ilk ekran görüntüləri internetə sızdırılıb. Paylaşılan bu görüntülər yeni interfeysdə kökündən dəyişən dizayn elementlərini ortaya çıxarır və iOS 18 üslubuna bənzər estetik bir təcrübənin bizi gözlədiyini göstərir.

Şirkət artıq uzun müddətdir ki, premium səviyyəli istifadəçi interfeysi yaratmaq üçün çalışır. Görünür, məqsəd iPhone modellərindəki vizual görüntüyə yaxın dizayn təqdim etməkdir. Yeni simvol üslubu, Liquid Glass tipli şəffaf və yumşaq keçidlərə əsaslanan interfeys dizaynı ilə Apple-ın dizayn fəlsəfəsinə yaxınlaşır.

Ən diqqətçəkən yeniliklərdən biri də ana ekrandan klassik axtarış çubuğunun çıxarılmasıdır. Eyni zamanda ekranın yuxarısında yerləşən göstəricilər – saat, batareya və siqnal ikonları – da yenilənmiş və daha minimal dizayna sahib olub.

Əldə edilən məlumata görə, HyperOS 3 çox geniş cihaz siyahısına təqdim ediləcək: 33 Xiaomi, 44 Redmi və 19 POCO modeli bu siyahıya daxildir. Sistem, cihazın xüsusiyyətindən asılı olaraq Android 15 və ya Android 16 əsaslı olacaq.

Rəsmi təqdimatın oktyabr 2025-də baş tutması gözlənilir. Xiaomi, bu yeniliklə istifadəçi təcrübəsini daha da yüksəltmək və bazarda lider estetik interfeys təqdim etmək istəyir. Hələlik şirkətdən rəsmi açıqlama verilməyib, lakin HyperOS 3 artıq texnoloji dünyada böyük maraqla qarşılanıb.